الحياة كبيـــــرة جداً ... دائرة مفرغة ... تدور حول نفسها .. وأحنا ندور جواها. ومن كلمة جات على بالي "فعل أم صفة؟"
ماشي في الشارع ببص على اللي رايح واللي جاي .. اشوف بنات على اليمين .. وبنات على الشمال, اللي لبسة حجاب .. واللي لبسة بنطلون يادوب قافل على بطنها.
والتانية اللي لابسة بلوزة .. خلاص شوية وتبقى عند ركابها ... والتانية ماشية بتيشيرت إظاهر قصير عليها نمرتين مش واصل حتي لوسطها.
وصلت المترو ... كان فيه حفلة حشر جماعي .. الجو كان برد في الشارع نزلت للمحطة ولقيت الجحيم بعيني ... سواء كان تزاحم الأنفاس اللي داخلة واللي طالعه من الناس اللي حواليا. او المناظر اللي اتمنيت أني أخلع بسببها عينيا
قطعت تزكرة المترو ...وركبت ... ويارتني ماركبت ... واقف ساند ظهري على الباب اللي مبيفتحش .. مش بحب اقعد لأني أشرف لي أقف .. بدل ما أقعد وألقي كل اللي بيركب يجي يقعد على المقعد اللي انا قاعد فيه .. لغاية ما العدد يوصل 6 ., ومهما العدد يكبر الناس تفضل توسع لبعضها وتحاول تفسح مكان ... فا أقوم اقف .. ويبقى العدد كمل 8.
المهم .. واقف وساند ظهري على الباب ... يدخل للمترو واحد صاحبي ..ماسك في إيده حتت بنت ... تستاهل الدبح, شعرها منكوش وقال إيه عاملاه "كيرلي" ... ولبسالي بنطلون مقطوع من عند تحت الركبة وماسك عليها قوي وقال إيه "بارموده" والتيشيرت متشال كمامة ومقطوع حتي من فوق وسطها قال إيه "تيشيرت كات"
المهم الواد صاحبي ده ولا عبرني .. ولا أكنه يعرفني ... المترو كله بقى على رجل واحدة .. والكراسي كلها فضيت .. والناس بقت توسع لبعضها وتقوم تقف.. وقال إيه "اللي عايز يقعد يقعد" ... أوعوا تكونوا فاكرنهم نازلين المحطة الجاية ... ههههههه انا كنت فاكر كده برضة.
لغاية مالقيتهم عاملين مائدة مستديرة على طبق المهلبية ده ... المهم الواد صحبي ده كان عامل فيها بوروم .. وقال إيه محاوط البت بإيديه علشان محدش يلمسها ... وطبعاً لازم ايديه تحاوطها من الجانب ده والجانب ده لغاية ما بقى منظرهم عامل زي القطط في فصل الشتاء هههه
والبنت بتبص حواليها وعمالة تشد في التيشرت لتحت علشان تداري بطنها .. لغاية مكانت هتقطعة .. هيا تشد من تحت ... والناس تبص فوق... تعدل من فوق الناس تبص تحت. لما ملقوش مفر من اللي حصل نزلوا أول محطة .
أنا طبعاً بقيت واقف فطسان على نفسي من الضحك... وبالأخص بعد ماسمعت تعليقات الناس اللي كانوا معايا في المترو ...طلعت الموبايل وسجلت كل الحوارات اللي دارت في المترو.
المهم كلمت صاحبي في التليفون ..,
قٌلت له : إيه اللي انت عملتوا ده
قال لي : إيه ... كنت بفسح البنت
قولتله: في المترو!؟
قالي هو في مكان افضل من ده اكون فيه على راحتي.. (وهو بيضحك.)
قلتله تصدق اني كنت هتكسف لو كنت سملت عليا.,
قالي : ليه
قولتله : علشان كان شكلك خرونج قوي
ازاي ترضة لنفسك انك تخرج مع بنت بالمنظر ده؟
انت كنت بتتباهي بإيه بالظبط
برجولتك ووسامتك ... ولا بأنوثتها وجمالها
قولتله انا مشوفتش قدامي غير
واد صايع أنتهك حرمت نفسة وخدش حياء اللي حواليه ... وبضاعة رخيصة لعبة على الوتر الحساس عند كل اللي بصوا ليها.
وقولته لو قابلتك تاني بالمنظر ده .. مش هيشرفني اسلم عليك
بقيت ماشي في الشارع بضرب كف على كف, طيب البنات اللي ماشيه دول ذنبهم إيه في اللي انا شوفتوا ده؟, في منهم اللي ماشين ولبسين لبس كويس وشيك وحلو وواسع. وبنقول عليهم محترمين... وفي اللي ماشين لبسين لبس ضيق وبرضة شيك لكن بنقول عليهم مش محترمين!
طيب مش يمكن اللي لبسين اللبس الضيق ده .. لبسينه علشان مش معاهم فلوس يشتروا لبس جديد واللبس ده بتاع السنة اللي قبل اللي فاتت! ولا يمكن مكتش معاها فولس اصلاً .. وفي واحدة شاحتت لبسها القديم لواحدة تانية .. وللأسف جيه ضايق عليها شوية؟
أنا مبقتش عارف .. افكر ازاي ... ألوم . ولا مبصش. طيب مهوا انا مش أعمي .. طيب العيب فين ؟ أعيب على الظروف المادية اللي حاطة الناس كلها في مواقف محرجة .. ولا ألوم الشباب اللي ماشيين يتحرشوا بالبنات هنا وهناك.
أنتوا يا شباب ... يا ولاد جربتوا تدخلوا محلات الملابس الحريمي وتشوفوا الأسعار؟ جاربت يا أستاذ ياللي خاطب تاخد خطبتك وتنزل تشتري ليها لبس واسع شوية ويبقى من فلوسك. جربت تاخد أختك كده وتتشملل وتروح تشتري ليها لبس واسع؟
الموضة والجمال موجودين ومهمين ... وبرضوا الاحترام والالتزام موجودين ومهمين
لكن مين اللي يلتزم ومين اللي يحترم ... الأحترام والالتزام بالنسبنا إيه؟!!!!!؟ هل هو فعل أم صفة؟
اجاوبك انا من فضلك
ردحذفاولا انت غلطان لو فاكر ان اللي فلوسه علي اده مش هيلاقي ملابس تستره وشكله كويس كمان وحتي عالموضة بس اللي تنناسبه
اه صحيح العرض فعلا من شاكله اللي بتحكي عليهم دول بس اللي بيدور علي قماش يستر لحمه من عيون الذئاب هيلاقي مش هينزل سيتي ستارز ولا مولات البلد اللي مرمية في كل حتة .. هينزل في اماكن علي اد فلوسه وهيلاقي فيها الضيق والواسع ويختار
اعتقد ان البنت بتلبس كده علشان تعجب الولد وتقصر طريق وتتجوز وتخلص
اوعلشان تفرح بشبابها و بتفوز بنظرات الاعجاب علي شياكتها و تحررها و انوثتها
او علشان اهلها عايزينها ستايل مختلف من طبقه معينة هي بس اللي بتتعري كده .. علي اساس ان هي كده بنت ناس ستايل !!!
تخيل باه ان اللي ناويه تلبس حاجة متفصلش تفاصيل جسمها هيتقالها انتي لابسه شوال .. محجبة او لابسه بنص كم .. بس مدارية لحمها!!
لو هتحكم علي الاحترام باللبس .. هتحكم علي ايه ؟25 % من البشر.. طيب وال75% دول نرميهم فين؟
العيب عيب اللي بينزلها من البيت كده ... وفي بنات مش بتنزل كده .. بتنزل بغير كده وبتغير علشان تبقي كده برة ولما ترجع تغير قبل ما تدخل البيت
زمان كانت البنت من ورا اهلها تحط مكياج مثلا وتمسحه قبل ما تدخل البيت .. دلوقتي بقت الهدوم كلها برة البيت غير اللي نازلة وراجعه بيه!!
لا ام ولا اب يا يوسف .. بتدور علي ايه
مش هقولك دين
هقولك تربية .. واحد عايزة لحمها يعف عليه الذباب .. هتقولها غطيه علشان انتي مش رخيصة هتقولك انا مبسوطة كده ... بايعة دا بنظرات بتدوم لحظات من عيون معجبين و بعدها بلحظات بتتحول نظرات الاعجاب لاحتقار .. دي فين اهلها دي .. فين اللي سامحلها بكده .. فين تربيتها ؟؟
هي بردة اخلاقيات بتتورث من جيل لجيل .. في ناس عندها دا عادي .. يعني مفيهاش حاجة لما البنت تنزل كده .. هتبص علي امها و اهلها هتلاقيهم قريبين من الكالتشر دي بردة .. هتعملهم ايه دول؟؟
اجابة لسؤالك .. الاحترام فعل بيولد صفة بيتوصف بيها الانسان لما يبان عليه الفعل فتقول دا محترم
بيتهيألي لو صاحبك كان عادي يمشي معاها بالشكل دا و ضميره كويس كان جه سلم عليك عادي و بقي من الطبقة الاخيرة دي .. بس هو مش كده ولما حاول يدعي دا فشل و نزل في اول محطة ... ازدواج شخصية والله اعلم !!
------------
التعليق اللي فات مكنتش عارفة اسجل الاسم وملقيتش اسم لايق اكتر من الي كتبته :)
لا حرج علي يعني ..
أختي أليــس
ردحذف==========
انا معاكي ان في بنات بتتعمد تعمل كده ... بس بصراحة أنا مش شايف اننا لازم نظلم الأهل ... لأنك زي ما بتقولي فعلاً في بنات بتغير هدومها بره البيت
وساعات البنت تروح لصاحبتها وتغير من عندها وتلبس اللي على مزاجها.
وياعيني اهلها يبقوا قاعدين في البيت وولا داريين بالللي بيحصل
انا اللي بيضايقني ... ان الشباب كمان بيستغلوا اللي بيحصل ده علشان كده لازم الاحترام ينبع من داخل الشباب الاول :)
انا بس الوقف شدني .. وقررت أكتب لاني كنت متغاظ ههه
مبسوط لوجودك
لا ماليش دعوة انا الاول
ردحذفانا قبل حبيبتي اللي بقت رغاية ;)
و قبلك انت كمان يا عم جو
بس انا كنت بكتب من الموبايل و البتاع ما اتنشرش :( :(
هاخد حقي منكم انتوا ال2 بعدين ....وش غضبان و بيهدد
خد التعليق اللي بعده ;)
ههههههههه
ردحذفلا انا بقى ... وش بيطلع لسانة :)
هههههههههه
انبسططي يا سيتي ... باقيتي خامس تعليق :) ههههه
عووووووووو
ردحذفتفتكروا مين
ايوة ايوة ....صح
هبهوووب :)
انا بس عندي بق يا عم جو عايزة اقوله و بعدين نبدا الفرم ;) ;)
من حق كل مواطن انه يبص
و الدستور بيدي الحق
لكل مواطن انه يقلع
ههههههههههههههههههههه
فلنبدا الفرم
نياهاهاهاهاهاهاهاههاه
لسانه بال ه مش بال ة
ردحذفوش بيطلع لسانه اللي بال ه :P :P :P :P
:) اجي تاني يعني :)
ردحذفعارف يا يوسف ليه قلت الاهل؟؟ لانهم لو ربوا عيالهم كويس كانوا عرفوا ان منظرهم اللي يخرجوا بيه من بيتهم هو اللي لازم يرجعوا بيه وطول ما هما برة بنفس المنظر اللي اصلا هو عنوان لاهلهم ولاخلاقهم .. لو خافوا علي سمعتهم و كانت ليها قيمة مكانوش حسوا انهم عادي يعملوا كده
الا هي السمعة دي كمان فعل ولا صفة؟!!!
اما عن اخوانا الشباب .. غصب عنهم هيبصوا الا اللي يعرف يغض بصره .. هي بايعه لحمها .. هيشتريها هو ليه؟ الا اللي متربي بردة علي ان دا عيب و ميصحش ..
ميصحش دي كلمة اندثرت باين ولا حد سرقها في الزحمة..
happy new year
يمكن تبقي سنة غير اخواتها:)
أزال المؤلف هذا التعليق.
ردحذفأنشاء الله هتكون سنه غير اخواتها
ردحذفوبصراحة يا أليس :)
أنتي ظبطتي دماغي ... كلامك عجبني قوي :)
اقول ايه و لا ايه
ردحذفكلام كتير مليان تناقضات جوايا و حواليا في الموضوع ده .
الاهل هم السبب زي ما اليس ما بتقول ؟؟؟
اه
صح
عندك حق يا اليس
بس الفكرة ان ....و الله الاهل ساعات بيبقوا ناس محترمة جدا و مربينين بنتهم عالاخلاق و الادب من صغرها ، و يمكن بزيادة كمان ، لكن البنت بتبقى غير كده
ليه ؟
يمكن بتتحداهم ؟
يمكن عشان مش هو ده السائد حواليها ؟
طبعا في كل مكان و في كل مجتمع فيه كل الانواع و الستايلات من اللبس ، بدءا من العباءات و اللبس الفضفاض للبنات المسلمات المحجبات ، للبس المحتشم اللي بيداري الجسم و برضو شيك ، للبس اللي مش بيداري حاجة او هدفه مش مداراة الجسم لكن عبارة عن ستايل حلو يتلبس على جسم حلو و السلام ، و القرف بصراحة لما بيبقى الجسم مش حلو بصراحة الواحد بيبقى متقزز ...ما علينا .
لكن الوسط السائد لاي بنت او حتى ولد مش هو المحيط الكبير اللي حواليه ، لكن الناس اللي عينه عليهم او اللي هو/هي منتميين اليهم اصلا كشلة جامعة او نادي او كنيسة او ..او .... .
ساعتها لما الوسط ده كله يقول ان البنت تلبس في الصيف بادي اللي المفروض نص كم لكنه في الحقيقي كات و ضيق عالجسم اخر حاجة ، و البنطلون اللي بصابونة زي ما بتقولوا .
لما المجتمع بتاعها يقول كده
المطلوب انها تعمل ايه ؟
انا مش بدافع على اد ما انا بفكر بس
المفروض طبعا انها تكون ليها شخصيتها المستقلة و اخلاقها و مبادئ بيتها اللي اتعودت عليها من و هي صغيرة ، لكن انا بتكلم عن ناس على ارض الواقع .
مش كل البنات تقدر تكون مختلفة عن الجروب بتاعها ، مش كل البنات تقدر تقول انا مش موافقة البس كده او انا لازم البس كده ، مش كلهم .
البنات كتير بتحب الاحساس بالجماعة ، البنات بتعمل ايه ، يبقى يالا نعمل احنا كمان .
البنات بتحط الميكاب ده ، بس انا مش بيعجبني اوي ، لكن اعمل ايه ، كل البنات بتحطه ، هو ده الموضة ، يبقى لازم اشتري الميكاب ده ، ساعتها بس هحس اني واحدة منهم ، احنا زي بعض ، احنا بنات مع بعض . و اللي مش بتعمل كده _ حتى عن اقتناع _ ساعات كتير بتحس بالغربة او انها مش زي دول ، فكلهم متفقين على حاجة الا انا... فانا مختلف ...اذن انا مش زيهم ....ما علينا برضو .
البنات برضو ساعات بيعملوا كده ...مش بس استهتار بجسمهم ، لكن عشان بيحبوه زيادة ، عشان حاسين بيه ، مش مهوة لكن ....ممكن لان الولاد ساعتها مش بيبصوا الا عالبنت اللي بتلبس كده ؟؟
احتمال كبيييير
احتمال قائم و فعال اصلا
الولد من دول يلاقي بنت صاروخ كده ..حتى لو مش جميلة ، بس زي ما جو وصف كده ، الشعر معمول ازاي او محجبة و لفة الطرحة ازاي و دي بتبقى حاجة ابشع لانها بتلوث قيمة هي قررت العمل على نهجها من غير ما تعرف ا ب هذه القيمة ..ما علينا .
لكن هنا بقول لما ولد يشوف بنت كده و لبس جامد ، ميكاب صارخ ، مافيهوش غلطة .
ساعتها بس بيبدا هو يجري وراها
بيحاول يسكب ودها
و بيبقى املة بالنسبة له لو قدر يتكلم معاها اي كلمة
حتى لو هزقته في الحوار ده ، بيبقى حاسس بمنتهى الفخر ان انثى جاية من عالم الانوثة الصريح وافقت تتعامل معاه و ترد عليه ، ساعتها بنسبة كبيرة بتتاكد قدامه ذكورته ، حتى زي ما بقول لو كان كلامها معاه هو لا مبالاة او استهتار ، بس يكفي انه اتشاف من الكائن دي .
مش كل الولاد كده ، بس بقول ان في نسبة كبيرة كده .
هو بيحس بكده ، طب هي بتحس بايه ؟
ما هي اكيد مبسوطة انها تشافت قدامه
مش بتكلم كلام اهالينا انه مش شايفها هي لكن شايف جسمها ، لكن هي مش بتفكر في كده لما تلاقيه بيجري بالمشوار عشان يقف قدام معبدها و يقدم البخور .
ما هي لو في سبيل كده بينت حتة من هنا و لا من هنا عشان تلاقي النتيجة دي في الاخر.
و يمكن اصلا هي مش بتفكر في انها بتعرض ايه عشان يتقدم لها ايه ، لكن عشان هي الفكرة كده .
هكمل في كومينت تاني عشان ما تتحولوش مني ;) ;)
فعل و لا صفة ؟؟؟
ردحذفو الله مش عارفة
عارف ....لما ال2 بيبقوا نفس الفكرة _ الفعل و الصفة _ بيبقى الموضوع اريح ، حتى لو كان الفعل و الصفة اجتمعوا على عدم الاحترام .
يعني يا تتصرف و يبقى من جواها فكرة عدم الاحترام ... يا العكس ، تتصرف و تبقى من جواها مقتنعة بالاحترام .
بس كتير بقوا بيرقصوا عالسلم
و الرقص عالسلم بيقطم الوسط
ما هي ممكن تلبس زي الفل ، و يتضرب بيها المثل ، لكن
من جواها او تصرفاتها اللي في الضلمة تبقى انيل و اقذر من اللي ممكن تعمله واحدة باين انها بتلبس مفضوح و الشارع كله بيجري وراها ، لكن من جواها محترمة ...على الاقل بمفهومها هي .
لو الواحد يطبق بالفعل اللي هو فعلا حاسس بيه او مقتنع بيه ....يبقى احسن حاجة .
يعني اللي حاسة انها بتلبس محتشم بس بتتنقل من حضن لحضن كل شوية ، ترسى لها على بر .
و اللي حاسة انها بتلبس لبس بيجيب لها الكلام و هو مختلف تماما عن اللي جواها و بيوقعها في مشاكل مالهاش فيها اصلا ، تاخد بالها برضو .
فعل و لا صفة ؟؟؟؟؟
و الله مش عارفة
بس يمكن تقدر تقول اني من زمااان بطلت ابص على الافعال عشان اعرف مكنون الصفات
ما بقاش البرهان القاطع يعني .
الولد بقى يبص و لا ما يبصش؟؟؟؟؟
تعددت الاسباب و الموت واحد .
- اه يبص ...ما هي لحمة رخيصة واقفة تقول للي ما يشتري يتفرج .
- اه يبص ...ما هو برضو بني ادم و ليه مشاعر .
- اه يبص ...ما هي اصلا عايزة كده .
- اه يبص ...ما الشباب تعبان و بطالة و ..و ... .
- اه يبص ...ده ان ما تعداش مرحلة البص
- اه يبص...هيغمض عينه يعني ، هو ماجريش وراها و لا اذاها هي اللي بتقوله بص .
- لا ما يبصش...لازم يبقى مؤدب .
- لا ما يبصش...لازم يغض البصر.
- لا ما يبصش....و ان بص فالنظرة الاولى لك و الثانية عليك .
- لا ما يبصش .... تربيته هو لازم تعلمه انه ما ينجذبش للغلط .
بس ...لا اللي بيبص او اللي بيتحرش بيبقى كده بس مع اللي افعالهم تنم عن عدم احترام ، و ابسط مثال بنقوله دايما هو اللي بيتحرش بالمنقبة ، اللي مش باين منها حاجة اصلا ، او يفضل واقف و متنح و بيفصص في واحدة محترمة جدا في لبسها .
و برضو .....
تلاقي البنت للي في افعالها متحررة ، لو حد قرب منها او بدا يتحرش باي طريقة مهما كانت ، تقف و تبهدله و يبقى يومه اسود .
طبعا كل الناس و الستات قبل الرجالة يعدوا يقولوا " ما هو العيب عليها ، مش شايفين لابسة ايه ، هو الواد يقطع نفسه يعني ، ....." الخ الخ من الحوار ده
بس ليه محدش خد باله انها ما وافقتش
انها قالت لا
رغم ان واحدة تانية ، في منتهى الاحترام في الشكل ، ممكن تخلي اي حد ياخد راحته و يعيش حياته معاها و ما تنطقش .
مش دايما البنت المحترمة مش بتتعاكس ، دي ساعات بتشجع او على الاقل بتسيبه براحته ، اهو الرجل يرتاح و هي كمان تتبسط .
شكلي هعك الدنيا
همشي بقى بدل ما الرقابة ما تمسح التعليق ..هههههههههه
بااااي
ممكن ابقى ارجع تاني ، ما تتخضش بس ;)
ربنا يسامحك يا هبة :)
ردحذف=====================
عادتك ولا هتشتريها ... كومنتين يا مفتريه والاتنين انأح من بعض
ماشي يا هبة ... بس وجهة نظرك مقنعة ...واللي انا وصلت ليه ان الموضوع نسبي عن بعض الناس مش ثابت .. يعني اخلاقيات المجتمع لازم المجتمع يتحد مع بعضة علشان يحافظ عليها
لأن لو واحد أتمسك بالاخلاقيات هيبقى متزمتد بالنسبة لناس تانية
ولو حد تهاون في بعض الامور هيبقى متحرر وفاسق في نظر الناس التانية
علشان كده انا شوية متحير .. وحاسس ان الموضوع ملهوش اخر
ومازالت الأيام تمضي
كلامك كويس
ردحذفومعقول وموزون
بس قلله شوية
لشان الناس
تقدر تتابعك
أنا كنت عايزة
اقرا كلامك اللى
فات بس لقيت كتير
اوى فنصيحة قلل شوية
واسفة اذا كنت زعلتك
:) حاضر .... هحاول .. شكراً على النصيحة المفيدة جداً دي
ردحذفوانا في حاجة عايز اكتبها .. وهكتبها .. وهحاول تكون قليلة :)
الالتزام لا فعل و لا صفة
ردحذفزي ما انت مسمي الجروب" سلوكيات"
الالتزام سلوك لأنك بتحاول فيه انك " تلتزم" بقوانين أو بعادات الناس اللي انت هاتكون موجود وسطيهم يعني حتي لو البنت مش متعودة تلبس واسع أو ممكن حتي يكون واسع بس برضه ملفت للنظر لان الناس مش لاقية حاجة تبص عليها ، فلازم البنت تلتزم بده
طبعا مش بأقول اننا في يوم هانقدر نرضي الناس
بس لازم يكون اتزان مابين الحرية الشخصية و مابين احترام تفكير الناس و ان ماكانش يبقي اللي عايز يعمل كده يبقي يعيش لوحده بقي
علي فكرة: الاتزان أساس الالتزام ...!!!