سبع أيام
عندما تصبح وحيداً والـكــون حولك خلاء ....
وترى بعينك نهاية أقرب الناس وأعز الأصدقاء ...
وتعلم أن الوقت يجري وقارب على الإنتهاء...
ولم يبقى أمامك .. سوى سبع ايام !!
.... فماذا أنت فاعلاً!؟
****
شاب .. زي اي واحد فينا .. عايز يعيش أيامه .. حر من غير قيود .. ليه يفكر في بكرة ويعيش مهموم .. عايز يكون .. عايز يملك الكون.
قالولو : ماتسيبش نفسك للأيام دا العمـر قليل.
قال: انا لسه شاب . والعمر قدامي طويل.
قالوا: العمر مش بأديك .. إيه يضمنلك؟
قال: والمطلوب .؟؟ أعيش في همومي .. وأستنى يومي!
ردوا عليه : وليه تكون مهموم؟ وليه تبص على الغيوم؟
قال: لو اعرف يمكن ارتاح . لو اعرف حدودي .. اعرف امتي يكون . اعرف اللي فات واللي باقي ... أه إللي باقي!!
****
وتعدي الأيام .. وفي يوم .. تحص حاجة غريبة .. ارقام .. على ظهر كل اللي الماشيين .. ارقام سنين وشهور وايام .. طفل صغير مع جده .. الجد مكتوب له 5 سنين والطفل 8 شهور. واللي مكتوب له 20 سنة واللي 3 أيام , وأقل رقم كان دقيقتين.. كانت لواحد ماشي قدامي . كان بيعدي الشارع .. بس الغريب ان الرقم كان بينقص بسرعة رهيبة ..
30 ثانية
25 ثانية
20 ثانية
10 ثواني
وفجأه
عربية من الناحية التانية تخبطة .. جريت عليه .. وقريت الرقم اللي كان مكتوب .. بس مكنش نفس الرقم ..
كان
صفر
ولفت الدنيا بيا...
عاوز تعرف اللي باقي ...! أديك هتعرف .. هتعرف اللي باقي من حياة كل الناس إلا الباقي من شخص واحد بس .. أنت
يعني إيه .. يعني الطفل هيموت قبل جده ؟ .. وده اللي ماشي هناك فرحان هيموت بعد يومين .. لا انا مش مصدق.
جريت على البيت دخلت وقفلت الباب ورايا .. ايه دا اللي بيحصلي .. ما أنا كنت عايش في حالي .. ليه بس دا كله يجرالي .. وفي وسط توهاني شفت حاجة قدامي ... نشفت الدم في عروقي... شوفت نفسي واقف قدام المرايا ... "مرايا؟" .. الفكرة كانت صعبة .. لكن ما كانش قدامي بديل .. جريت .. حاولت ادور ظهري تجاه المرايا واشوف اللي فاضلي من عمري؟ .. لكن مقدرتش .. وفي وسط جنوني انفتح الباب ودخل ابويا وامي واخويا الصغير .. خاولت اهدي نفسي.. قولتلهم أنا خارج.
بس أول ما وصلت للباب .. بصيت ورايا ..على ظهر ابويا وأمي وأخويا .... 7 أيــام .. "أبويا وأمي وأخويا " 7 أيام" .. قولتها بصوت عالي .. بصولي بنظرة أستغراب .. عرفت ازاي ...فعلاً بعد 7 أيام هنسافر عند عمك بس انت عندك دراسة وعارفين انك مش هتقدر تيجي معانا" .. حاولت أصرخ واقول لا .. لكن كلامي ماقدرش يخرج من جوفى.
كل يوم كان بيعدي علياا كأنه سنة .. مش قادر اتكلم .. لو كان بأديا كنت وقفت الزمن .. وقفت الساعات .. "هتعرف لكن مش هتقدر تغير"
وجيه اليوم .. وبدأت النهاية .. أصعب نهاية .. نهاية أقرب ناس ليا .. عاوز أصرخ لكن مش قادر .. عاوز أجري واقف في سكتهم . لكن مش قادر .. يمكن لو شافو دموعى يفهموني؟؟ .. لكن حتى دموعى مقدرتش تفارق عيني!! وخرجوا . وسابوني . وأنكتب الرقم صفر"لأبويا .. ولأمي ... ولأخويا"
ليه .. ليه تعمل فيا كده !؟؟؟؟
أنت اللي طلبت أنك تعرف .. كنت فاكر انك هتكون سعيد لو عرفت؟!
كنت عايز اعيش واتمتع اللي فاضلي..
ودلوقتي .. لسـة برضه عايز ؟
أنا عاوز أستريح من الدنيا كلها .. قولي اني قربت من الصفر .. قوللي أني هلحق اللي راحو مني.
أنت فاضلك 7 أيام
7 أيام ... كل اللي فاضلي 7 أيام .. وانا اللي كنت بقول اني شباب والعمر قدامي طويل .. بقى كل اللي فاضلي 7 ايام .. وبعدها.؟......!
أنا لازم اعوض كل اللي فاتني .. أيوه .. انا لازم اعيش اللي فاضلي من العمر . بس مش كله ... 6 أيام ..
أيوه 6 أيام هدوق فيها حلاوة العالم .. هبيعك بأرخص ثمن .. هلبسك بإيدي إكبر اكليل شوك .. واشربك معايا من أحلى كاس .. كاس خل وكاس مرحياتي .. وادق في إيديك المسمار. وارفعك على الصليب . لاجل ماتشوفني وانا لكمل الـ6 أيام.
أنا اليوم السابع .. فدا اخر يوم .. هجري عليك اقولك سامحني .. وفي عنيا دموعي .. دموعي الكذابة .. هقولك سامختي على الخطايا اللي بحبها .. ايوه .. بحبها اكتر منك .. انا عمري ما حبيتك .. لكن بس .. كنت بخاف منك .. سامحني مش قادر احبك.!!
أنتهى الوقت .. وأنتهت ايامك السبعة.
ازاي لا .. لسه فاضل وقت .. انا حاسبها . حاسبها كويس.
فكرت انك هتديني يوم من حياتك لكن حتى اليوم ... بخلت بيه على!
لا... ما ينفعش اموت دلوقتي .. طب اديني يوم واحد .. اديني ساعة واحدة .. ولو دقيقة
أنتهى الوقت
وتمضي الأيــام
بسم الله الرحمن الرحيم
ردحذفقبل البدء في اي اجابة نرجو من سيادتكم تعديل اللينك بتاعي الموجود في اعلى المدونة و انت داخل لى ايدك اليمين ، عند النخلة اللي قلبوها شجرة بعد الاحتلال .
مش انا يا بابا اللي اللينك بتاعه يتحط غلط
بلاش ابدا الاحتلال من اول كومينت كده ;)
يالا ...
واحد لينك و صلحه ..هههههههههه
بااااااي
ما تقلقش ، لنا عودة :)
علم وسيتم تصليح الخطأ في أقرب وقت ممكن
ردحذفيوسف
ردحذفبجد تنحت اكتر و اكتر دلوقتي
يمكن ما قريتهاش بالعمق ده اول مرة
بس فعلا فعلا...... برافوووووو
فكر صافي و هادي و ممتاز
اسلوب عميق مع انه بسيييييط جدا
حوار هادي ، متسلسل الاحداث ، واضح الفكرة
لغة سلسة و واضحة و مباشرة
احييييييك و ارفع لك القبعة
هعلق في الكومينت اللي بعده ;)
عارف لما فكرت في الموضوع ده
ردحذفاني ابقى عارفة ناقصة لي اد ايه و ناقص للي حواليا اد ايه ، حاسة ان الموضوع هيبقى فيه حاجة مختلفة.
و الاصعب انه لو عرفت الباقي للاخرين مش ليا .
لو عرفت الباقي في عمر اللي حواليا ، و انا واقف عاجز مش قادر اقول او امنع القدر ، شايف ملاك الموت بيحوم حواليهم و مساحته بتزداد يوم عن يوم.
بياخد مكانة اكبر ، و مساحته بتكبر حواليهم لغاية ما وجوده يبقى اعظم من وجودهم هم فيبدا في الكبر و يبدءوا هم في التضاؤل و التلاشي .
اني احس ان الضحكة دي مش هتكمل ، و ان الحلم ده مش هيلاقي ارض للواقع يقف عليها .
انك تبدا تشوف الجسم اللي قدامك و كانه بيبدا في التحلل ، و تشوف كل جمال و ذكاء و تفوق كانه بيتحلل لصورته البدائية .
حاسة ان الواحد ساعتها هيشوف كل حاجة كانها تراب متجسد ، مش بس تراب ... لا ، ده قش ، قش بيحاول ياخد اشكال و وضعيات للافكار و للحيوات .
انا حاسة انها هتبقى معرفة مؤلمة ، تفاحة هتفتح عين الانسان على ارض الموت .
و ساعتها بجد هيبقى الانسان صورة مجسدة للعجز و الضعف ، هيبقى ساعتها قدام امر واقع من اللي لا فكاك منه ، صدر الامر ، و يجب التنفيذ ، و لا مجال للهروب او الاستئناف ، القاضي الديان العادي هو اللي اصدر يبقى فلنلتزم الصمت و ليكن قولنا هو " امين " .
كنت قريت قبل كده على لسان الاديب الروسي الكبير " فيودور دوستويفسكي " ان اصعب انواع الموت هو الامر بالاعدام ، لان وقتها الشخص بيبقى عارف ان لا مفر و لا فكاك من هذا المصير اللي حكم بيه شخص تاني عليه .
كان بيقول انك لو كنت في معركة او لو كنت وحيدا في غابة او صحراء فالامر اهون بكتير لان بيبقى في امل بسيط و واه لكنه غير منعدم بان ممكن يتم انقاذك ، لكن لما ييجي الامر من اللي لا مجادل له او فرار من حكمه فبيبقى هو ده الموت بعينه ، محدش هيدافع عنك او يحوش الاذى بعيد عنك او ممكن حتى يساعدك و يساندك .
كإن الكون كله اتفق على حتمية فنائك
كإن كل الناس واقفة منتظرة لحظة الموت ، و بعدها كل سيمشي في طريقه ليكمل حياته هو ، و انت مش قادر حتى تطلب المساعدة لانه هيبقى طلب ساذج ، لانك متاكد ان مصيرك تحتم .
انك تلاقي اللي قدامك ماشي لمصير محتوم ، و محدش يقدر يشده من على حافة الجبل او يبعده عن حفرة الهاوية .
و الاصعب لما تحس انك المفروض بعد المعرفة دي و المشاعر دي انك تقول " امين ".
للحوار بقية ....
الفكرة صادمة جدااااااااا
ردحذفربنا لا تكتبها علينا ابدا
دا احنا مجرد اننا مش عارفين امتي هيجي أجلنا بنبقي خايفين احيانا و ناسيين احيانا كتيرة
بنغلط واحنا ناسيين اننا ممكن تقبض روحنا علي المعصي ة دي و قليل ما بنفتكر اننا سايبنها وماشيين يمكن دلوقتي ويمكن قدام ويمكن كمان لحظة ... بس اكيد ماشيين
مش بنفتكر اننا كده ولا كده ماشيين
بنعمل بلوك علي الفكرة دي كتير اوي ومش بنخليها في بالها
لو فضلت في بالنا اكيد مش هعدي جنبك ابصلك من فوق لتحت واقول ودا ايه دا كمان اللي هصبح عليه
لو فضلت في بالنا مش هضرك وانا اعلم وقع الضرر دا عليك ايه
لو في بالنا مش هبص علي اللي شكله من برة مرتاح و احسده .. يمكن احاول اعرف ايه اللي مخليه مرتاح واحاول ارتاح زيه بدل ما اتمني زوال النعمة منه!!
لو في بالنا هروح ادور علي حاجة اغسل فيها قلبي وعقلي من كل حاجة وحشة دخلته غصب عني
يمكن يمكن يمكن احس انه نضيف و يستاهل يتحط جوه حد يستاهل اي حاجة كويسة بدل ما اللي بيجرالنا بيخلينا كارهين لروحنا وحياتنا
لو في بالنا العداد باقيله كام هروح الحق اعمل حاجة تفرح اللي خلقني
بدل ما اسوف واقول بكرة اكيد هفكر اعمل و يمكن قدام الاقي الحاجة اللي تستاهل و اعملها يمكن يقبلها
ملايين الحاجات اللي يمكن من رحمة ربنا بينا علشان منعرفش امتي العداد هيصفر .. بيخلينا ننساها يمكن و نتناساها ساعات و ساعات نفتكرها وننطنش وساعات نفتكرهها وتعدي علينا زي الشوك اللي بينغرس في اللحم
كنت في تدريب من كام يوم
قالي المدرب حلمك ايه في الشغل من دورة "بناء فريق عمل فعال"
قلتلهم اشتغل في هدوء وسلام ..كل واحد عارف دوره .. لا يتعدي علي دور غيره ولا حد يتعدي علي دوره.. يرضي باللي ربنا قاسمهوله من اجر وعمل و ميبصش علي اللي جنبه ويقول اشمعني .. صاحب العمل يرضي الموظف ويراضيه علشان الموظف يرضيه بالتبعيه و الدنيا تبقي سلام و النفوس نضيفه.........
عارف رد فعل الحاضرين ايه؟
اللي ضحك عليا
واللي قالي دا حلم واحنا هنا واقع و دا شغل مش دنيا وردية
واللي اتريق وقال روحي جزيرة فيها جنينة ورد
واللي اعتبرني صيدة سهلة (مهو اللي بيحلم بيعتبروه طري واي كلمة حلوة توقعه في حضن قائلها)
قولتلهم هو سألني بحلم بأية هطلع بيه من الدورة دي
وانا قلت حلمي
حتي لو شايفينه وهم
من حقي احلم
و اتمني الحلم يتحقق
بدل ما انا كل يوم جوايا قهره من قرف اللي حوليا
مجرد اني حاسة انك شايلي في قلبك غل وحقد لاي سبب دا بيخنقني وبيدمر نفسيتي
لو زعلان مني قولي بس متحسسنيش اني اذيتك وانا معملتش كده لا بقصد ولا بدون
بحلم في دنيا حرمت الحلم واعتبرته ابن غير شرعي لانسان انقرض من زمان بكل انسانيته ...
ربنا يلطف بينا
قلت احلم بدل ما أتألم لقيت الحلم شوكة في ضهرهم:
ردحذف=======================
العنوان طويل قوي .. بس المحتوي فعلاً جبار يا من حلمتي :)
ففرحي يا أختي .. فأول خطوة لخروج الحلم لأرض الواقع هو المشاركة بة .. فلقد أصبح موجود من خلال كلامك.
ودورك أنت ان تجسدي هذا الحلم.
على الأقل قومي بدورك على أكمل وجه
بخصوص القصة ... أوقات كتير قوي ... بنحب نعيش حياتنا بعيد عن التفكير في النهاية هتكون أمتي وازاي ومصيري هيكون إيه؟
ربنا يلطف بينا ...
بس انا عاررف مصيري ... الحمدلله :)